Zyrtare, Në Gjermani tani mund të punoni pa marrë vizë në ambasadë

Qeveria e Gjermanisë e ka miratuar sot ligjin për emigrimin që ka synim joshjen e punëtorëve të aftë dhe të kualifikuar që vijnë nga shtetet jashtë Bashkimit Evropian, në kuadër të përpjekjeve për ta plotësuar nevojën për fuqi punëtore në sektorë të caktuar të ekonomisë.

Udhëheqësit e bizneseve qe një kohë të gjatë kanë kërkuar që qeveria t’i lehtësojë procedurat e migrimit, duke thënë se disa degë të ekonomisë po përballen me vështirësi për shkak të mungesës së punëtorëve dhe kanë bërë të ditur se efektet afatgjate mund të sjellin dëme të pariparueshme.

Ligji i miratuar do t’ua lehtësojë punëdhënësve marrjen e punëtorëve jashtë Bashkimit Evropian, pasi që vërehet mungesa e punëtorëve në Gjermani dhe nga vendet tjera të BE. Sipas këtij ligji, azilkërkuesit aktualë, të cilët kanë gjetur punë por që nuk i kanë plotësuar kërkesat për azil, mund ta vazhdojnë punën.

Për këtë ligj janë zhvilluar debate të gjera, ndërsa miratimi i tij e shënon ligjin e fundit të miratuar për këtë vit. Një pjesë e partisë së Merkel dhe partisë së krahut të djathtë kanë thënë se ky ligj mund ta nxisë migrimin e personave të pakualifikuar.

Sipas Zyrës Federale të Punës, rreth 1.2 milionë vende pune janë aktualisht të lira në Gjermani. Brenda kësaj shifre kërkohen kryesisht punëtorë për kujdes shtëpiak e shëndetësor, mjeshtër të dyshemeve dhe shoferë të kamionëve, shkruan “The Guardian”.

x

Check Also

Ministri i arsimit, Dr.Arbër Ademi, priti në takim nobelisten tuniziane, Wided Bauchamaui

Ministri i arsimit dhe shkencës, Dr.Arbër Ademi, sot ka pritur në takim nobelisten tuniziane Wided ...

Abedin Zimberi shëtiti Stojançe Angellovin në Likovë

Abedin Zimberi dhe Stojançe Angelov, si veteranë të luftës të konfliktit të vitit 2001, vendosën ...